Singapore-in gambling website a block
Singapore sorkar chuan an ram chhunga gambling website, licence nei lote chu a block sak ṭan niin Ministry of Home Affairs (MHA) chuan a sawi.
Gambling website kharsak tur zingah hian bet365, Ladbrokes leh 888.com te pawh an tel. Website kharsak an nih chhan hi dan leh thupek kenkawhna atan leh, kum naupang leh bum awlsam zawkte remote gambling hmanga bum leh tihchhiat an nih theihna lak aṭanga venna atan a ni tih Ministry chuan a tarlang bawk.
MHA chuan betting firm list hi uluk takin a enfiah ṭhin dawn tih a sawi a, Gambling Regulatory Unit chuan website leh sum inchawi dante a vil bawk ang.
Nikum October thla khan Singpore chuan Remote Gambling Act a pass a, he dan hnuaiah hian licence nei loa online leh phone gambling ti ṭhinte chu kum ruk thleng jail tantir theih an nih bakah, Singapore dollar 5,000 chawitir theih an ni. Hei bakah hian kum 21 hnuailamte gambling-a tel tura sawmtute hremna na tak siam a ni bawk.