US-in Venezuela official-te visa pek khapna a pawtsei

United States chuan Venezuela official ṭhenkhatte mihring dikna chanvo an palzut vang leh, eiruknaa an inhnamhnawiha avanga visa pek a khapna a pawtsei.

Venezuela President Nicolas Maduro chuan US sorkar thiltih dan chu demin, Venezuela ram dan palzutna a ni, a ti. US President Barack Obama hnenah hemi chungchang hi ziaka thlen a tum thu a sawi.

US hian nikuma Venezuela mipui, nawrh huaihawtte chunga an chet dan dik lo avangin official eng emaw zat chu an rama zin a khapsak a, anmahni bakah an chhungte pawh a huam tel tir leh a ni.

US state department thupuangtu, Jen Psaki chuan, "Human rights palzutte, mipui sum hmanga mahni intihlen tuma eirute leh an chhungte hi US-ah lawm an ni lo tih kan hriattir duh a ni," a ti.