Putin-a'n Ukraine buaina titawp turin a ngen

Russia President Vladimir Putin chuan Ukraine khawchhak lama Ukraine sipai leh helte chu an inbeihna titawp turin a ngen.

Kremlin thupuangtu Dmitry Peskov chuan President Putin hian Ukraine khawchhak lama inbeihna thleng chhunzawm zel chu a vei hle tih sawiin, tharum thawhna leh inbeihnate titawp turin a ngen tih a sawi.

Ukraine aṭanga inlakhran thu puang tawh Donetsk leh Lugansk bial hruaitu, Alexander Zakharchenko leh Igor Plotnisky-te chuan thi­sen chhuahna thlengte tihtawp a nih a, remna leh muanna a awm theihna tura inbiakna neih an duh thu an sawi.

Thuchhuah siamin, hruaitu pahnihte chuan, "Thisen chhuahna thlengte hi tihtawp kan duh tawh a ni," an ti a, mahse an dinhmun erawh tihdanglam an duh lo tih an sawi lang nghal bawk.