New York-ah chenna nei lo 60,000 an awm

Khawvela khawpui ropui ber zinga mi leh US-a khawpui lian ber, mi hausa tam tak awmna New York khawpuiah chuan chenna nei lo mi 60,000 an awm.

Charity Coalition for the Homeless-in an website-ah a tarlan dan­in, nikum November thla thleng khan khawpui chhungah hian chenna nei lo mi 60,352 an awm a, an zingah hian naupang 25,000 an tel niin a tarlang. Kum 2014 January thla aṭanga chhut­in kum tawp­ah chuan chenna in nei lo 10% chuangin an pung.

Coalition for the Homeless deputy executive director, Patrick Markee chuan kum 2014-a Bill de Balsio-a city mayor a nih aṭangin khawpui chhunga chenna in nei lo an pung chak hle niin a sawi a, hei hi in luah man leh senso hautak lutuk vang a ni pakhat niin a sawi.

Del Blasio chuan kum­­in chhungin chenna in neilote harsatna sutkian sak a tum thu a sawi a, tarte tan man tlawm zawka awm theihna tur in 10,000 siam a tiam bawk.