Italy President thar lakluh a ni

Italy President thar, Sergio Mat­tarella chu nimin zing khan rinawmna thu tiam­tira lakluh a ni. Sicilian zinga Italy President ni thei hmasa ber a ni.

President atana lakluh a nih hnua thu a sawi hmasak berah, Mattarella chuan an rama eirukna umbo tur leh pawikhawihna thleng ṭhinte titawp tura theihtawp a chhuah tur thu a sawi. Heng pahnihte hi a ngaih pawimawh hmasak turte an ni, a ti. Mattarella unaupa hi mafia kutah a lo boral tawh a ni.

Kum 1980 khan Mattarella u, Piersanti chu governor a nih laiin Mafia te'n an kap hlum a, a hnu kum thumah Mattarella hian politics a luhchilh a, minister hna te pawh a lo chelh tawh bawk.

Mattarella chuan an ram sum leh pai dinhmun siamṭha tur leh, electoral reform siam tura a beih tur thu a sawi.

Italy President hian rorelna kawngah thuneihna nei sang lo mah se, prime minister a ruat thei a, Mattarella-a'n a thlak tak, President hlui Napolitano khan a president chhungin prime minister-ah mi panga a ruat hman.