Japan bank-in robot worker a hmang dawn

Japan rama bank lian ber, Mitsubishi UFJ Financial Group chuan kumin April thla aṭang hian branch pahnihah anmahni dawrtute lo dawngsawng turin robot a hmang dawn.

Robot hman tur, Nao hi centimeter 58-a sang a ni a, France companay Aldebaran Robotics leh SoftBank siam a ni. April thla hian enchhin a ni ang a, a hman tlak dan a zirin branch dangah pawh hman chhunzawm a ni ang.

Nao hi a lu-ah camera dah a ni a, ṭawng chi hrang 19 hmang thei tura duan a ni. Customer-te chu an hmel landan leh aw ki te thliar hrang thiamin, an service mamawhte a lo zawt ṭhin ang.

Kg 5.4-a rit, Nao hi kum 2006 khan Paris-ah siam a ni a, Tokyo-a enchhinnaah chuan sapṭawng hmang, customer-te chu ṭha takin a lo dawngsawng thei a ni.

Nestle Japan pawhin Aldeberan-SoftBank robot, Pepper chu kumin kum tawpah an dawr hrang hranga coffee machine hralhchhuaktu atan hman a tum thu a puang tawh bawk. Pepper hi centimeter 120-a sang niin, Tokyo-a SoftBank mobile phone dawr hrnag hrangah dawr nghakte puitu atan hman mek an ni.