Taiwan thlawhtheihna tlaa thi 31 an tling tawh

Taiwan rama TransAsia Airways thlawhtheihna tlaa thi chu nimin thleng khan mi 31 an tling tawh a, chhanchhuah hna thawktute chuan chin hriat loha la awm mi 12 te an la zawng mek.

Mi 58 chuanna, flight 235 hi Nilaini khan Taipei aṭanga a thlawh­chhuah hnu reiloteah lei suin Keelung luiah a tla a ni. Thlawhtheihnaa chuang zinga mi 15-te chu nungdama chhan­chhuah an ni.

Thlawhtheihna chetsual chhan hi hriat a la ni lo a, control tower a biakpawh hnuhnung ber record-ah chuan 'Mayday' tia vawithum an au ri hriat a ni.

TransAsia director Peter Chen chuan thlawh­theihna hi a thlawh chhuah aṭanga minute li hnuah biak pawh theih lohin a awm niin a sawi a, a thlawh chhuah lai hian khaw awmdan pawh a ṭha niin a sawi.