Greste-a'n Australia a thleng ta

Egypt sorkarin Thawhṭannia a chhuah zalen, Australian journalist Peter Greste chuan nimin khan an ram a thleng a, al-Jazeera-a a thawhpui pahnih la tangte chhuah zalen an nih theihna atan theihtawp chhuah zel a tum thu a sawi.

Al-Jazeera reporter, Greste leh a thawhpui pahnihte hi Egypt sorkar chuan thu dik tawk lo thehdarh leh, President hlui Mohammed Morsi-a party, Muslim Brotherhood ṭanpuia puhin a man a, ni 400 chhung tantir an nih hnuah Greste hi chhuah a ni ta a ni.

Chhuah zalen a nih hnuah nimin zing khan Greste hian Australia a thleng a, foreign correspondent hna chu thawh chhunzawm zel a tum thu sawiin, a ṭhiante an zalen ve hma chuan a chawl mai dawn lo, a ti.