Ebola hri vei an pung thar leh
Africa khawthlang lama hri leng mek, Ebola hri leng chuan ziaawm lam a pan ṭan nia sawi a nih hnuah, January chawlhkar hnuhnung ber khan he hri vei hi an pung thar leh niin Worlh Health Organisation (WHO) chuan a sawi.
WHO chuan Ebola hri vei thar hi Sierra Leone ramah mi 80, Guinea-ah 30 leh Liberia ramah mi 5 an awm tih a tarlang. Kum 2013 December thla aṭang khan Ebola hri vang hian mi 9,000 dawn an thi tawh a ni.
January thla laihawla WHO report tihchhuahah khan kum 2014 June thla hnua Ebola hri vei thar an tlakhniam ṭan thu a tarlang a, hei vang hian natna hri leng mek hi dan theih beiseina pawh a awm hman a ni.