Boko Haram-te'n Cameroon ramri-ah mi 70 that

Nigeria helpawl, Boko Haram-te chuan Cameroon leh Nigeria inri-na bul, Cameroon ram china Fotokol khua beiin mi 70 an that leh.

Helho hian chenna in bakah mosque-te an bei a, building eng emaw zat an halsak bawk.

Cameroon sipaite chuan Chad sipaite puihnain helho hi Nigeria ramah an um kir leh nia sawi a ni. Cameroon sipaite pui tur hian Chad chuan ramri-ah sipai eng emaw zat a dah.

Chad sipaite hian Nigeria ramri bula Gamboru khua, Boko Haram-te'n an lak tawh chu lakkir tumin an bei a, hel 200 an that a, mahse eng emaw zat an tlanchhe hman.