China rama bazar kangah mi 17 an thi

China chhimlam, Guangdong province, Huidong khuaa wholesale market kangah Ningani zan khan mi 17 an thi.

Kangmei chhuahna, wholesale bazar hi chhawng li-a sang a ni a, kangṭhelhtu mi 200 chuangin kangṭhelh motor 45 hmangin darkar 18 zet an beih hnuah an ṭhelh mit thei chauh a ni.

Kangmei chhuah chhan hi chhui chian mek a ni tih police-te chuan an sawi a, mall manager pakua-te chu man an ni bawk. Kangmei hi chhawng li-naa movie theatre aṭanga chhuak nia sawi a ni a, he hmunah hian thil kang awlsam chi in cheimawina bungruate a awm niin an sawi.

China ramah hian hnathawhna leh sumdawnna hmunah chhiatna thleng palh thei laka invenna leh hnathawktute himna turin ngaihsak a hlawh tawk lo hle nia sawi a ni.