Pope Francis-a'n Congressah thu a sawi dawn

7th February, 2015

Roman Catholic kohhran hotu lu, Pope Francis chuan kumin September 24 hian US Congress-ah thu a sawi dawn a, Pope zingah a hmasa ber tur a ni.

House Speaker John Boehner chuan, "Pope zinga a hmasa ber turin Pope Francis hian Congress joint session-ah thu a sawi dawn a ni," tiin, a nghahhlel thu a sawi.

Congress member hmun thuma ṭhena hmun khat hi Catholic an ni a, an zingah hian House minority leader Nancy Pelosi, Democrat leh Republican Boehner-te hi an tel.

Pope hian Congress-a thu a sawi bakah, White House-ah US President Barack Obama nen an inkawm bawk ang. Pope Francis hian Pope a nih hnua US a tlawhna hmasa ber tur a ni. Pope zinga US tlawh hmasa ber chu Pope Paul VI niin, kum 1965 Vietnam War lai khan a tlawh.

Pope Francis hian Congress joint session-a thu a sawi bakah, New York-a UN headquarters-ah thu a sawi dawn bawk a, Philadelphia-a Catholic rally a hmanpui bawk ang.