China-in Dalai Lama- Obama meeting sawisel

China chuan US President Barack Obama leh Tibet sakhaw hotu, Dalai Lama te'n White House-a meeting an nei chu an sawisel a, Dalai Lama chu China laka inlakhran tuma beitu nia a puh avangin ramdang hruaitute nena an inhmu ṭhin chu an lawm lo tih a sawi.

China media-te chuan President Obama-a'n Dalai Lama 'ṭhian ṭha tak' tia a sawi chu bei letin, US chu buaina siamtu tiin an sawi.

"Obama leh Dalai Lama-te chuan mimal takin inṭhianṭha tak an ni tiin an sawi a ni thei, mahse a phenah hian politics thil inthup a awm a ni," tiin an sawi a, Obama chu China leh US inkar boruak ṭha siam tuma hmalakna ti­chhetuah an puh bawk.