Israel leh UAE-in healthcare lama thawhdun tum
Israel leh United Arab Emirates (UAE) health minister-te chuan healthcare lama ram pahnihte thawhdunna tur siam nghal an remti. Israel minister Yuli Edelstein leh UAE minister Abdul Rahman Mohammed Al Owais te hi telephone-a inbiain, healthcare lama an thawhdunna tura palai ruat te, Covid-19 hri leng mek dona kawngah thawhdunna siamte an rel a ni.
Hei bakah hian ram pahniha sumdawngten thawhhona ṭha an neih theihna turin joint business venture siam an rel. Hri lengin ziaawm lam a pan chhoh avangin student exchange programme siamte an rawt dun bawk a ni.
Edelstein chuan UAE nena inlaichinna ṭha tak an siam hi ram pahnih mipuiten an hlawkpui dawn hle tih a sawi. Tun thla tir lam khan ram pahnihte hian an inkar boruak siamṭha a, palai intirhtawn leh thawhdunna hrang hrang siamte an lo remti tawh a ni.