Japan sorkarin kum khatah ni 5 chawlh la vek turin a ti

Japan sorkar chuan hnathawktute chu kum khata a tlem berah ni nga tal chawlh la ngei turin a ti. Hei hi mipuite'n hna an thawh rim lutuk avanga rilru leh taksa lam thlenga an tawrhna awmte tihziaawmna atana a tih a ni.

Japan mipuite hian hna an thawk rim hle a, hna­thawktu zinga a zahve aia tlem chuan kum khata chawlh an neih zat hi a chanve pawh an hmang ngai lo. Hnathawktute pawl chuan compulsory-a chawlh lak tur zat hi ni thum ti turin an rawt a, mahse union lam chuan ni riat turin an rawt thung.

Japan mite hnathawh hun, darkar rei lutuk leh leh overtime-a hna thawk nasa lutuk hi hnathawktu tam tak zinga rilru leh taksa lam natna thlenna chhan a ni, an ti.