China-in mining tycoon a tihlum

China sorkar chuan Sichuan-a mining lama sumdawng hausa tawntaw, Liu Han a tihlum. A rual hian a nau Lieu Wei leh a thurualpui dang pathumte pawh tihhlum an ni.

Hanlong Group chairman hlui, Liu Han hi mafia style-a pawikhawihna leh tualthatna a thlentir avangin nikum May thla khan thi turin a chungthu relsak a ni tawh.

Lui hian security hotu hlui, Zhou Yongkang nen paw'n inzawmna an nei nia hriat a ni a, Yongkang hi chhui chian mek a ni.

Hanlong Group hi Sichuan province-a inkhuar, company hrang hrang intelkhawm an ni a, mining, telecommunications leh chemical industry-te pawh an tel. He company hian Sichuan province-a Guanghan City-a gaming business hi dan loin a duh angin a kalpui a, tualchhung mite tan harsatna thlenin khawtlang nun leh khawpui chhung sum dinhmun thlengin a tawrh phah niin state media chuan a sawi. He company-ah hian sorkar official eng emaw zat chu inzawmna a neihpui nia sawi a ni bawk.