US-in anti-Ebola mission titawp dawn

US chuan Africa khawthlang lama Ebola hri venna beihpui thlaknaa thawk tura sipai a tirhte chu kumin April 30 hian a ko kir dawn.

Pentagon Press Secretary John Kirby chuan thuchhuah siamin, hun eng emaw chen liamta aṭang khan Depatment of Defence chuan Ebola Treatment Unit a siam a, he unit hian hri lenna rama tualchhung mite bakah internatational healthworker-te training a pe ṭhin, a ti. Africa khawthlang ramah hian US sipai 2,800-te chu a ṭul ang thawk tura thawn luh a ni.

Kirby chuan, hri venna kawnga hmalaknain hma a sawn vang leh a hlawhtlin chhoh zel avangin, DOD mi leh sate hi US lamah an haw thei tawh dawn a ni, a ti. Sipai tirh chhuah zinga 1,500 vel chu an kir tawh a, mi dang pawh April 30 hian koh kir an ni ang. Mahse hemi hnuah pawh hian mi 100 vel chu dah chhunzawm tum an la ni tih a sawi bawk.