SKorea-a motor insu buaiah mi 2 an thi

South Korea khawpui, Seoul Incheon International Airport bul leia chetsualna thlengah motor 100 chuang an insubuai a, mi 2 an thi a, midang 40 chuangin hliam an tuar.

Incheon police thupuangtu chuan chetsualna thlen chhan hi limousine-in car pakhat hnung a sut vang niin a sawi a, an hnunga motor dang rawn tlante chu an rawn insu buai zui ta a ni. "Insut buainaah hian motor 100 chuang zet an tel a ni," a ti. Hliam tuar zingah hian ramdang mi 5 an tel bawk.

Chetsual thlenna hmun hi Seoul leh Yeongjong Island inkalpawhna Yeongjong Grand Bridge a ni a, vanduaina a thlen lai hian chhum a zing nasa a, meter 15 chin bak a hmuh theih loh nia sawi a ni.