Yemen-a British embassy staff-te lakchhuah an ni

Yemen tualchhung buaina thleng mek avang­in venthawn thilah Britain chuan a embassy a khar a, embassy staff-te pawh lakchhuah an ni.

Britain Foreign Office chuan embassy staff-a thawkte dinhmun hi a him tawk lo nia an ngaih thu sawiin, Yemen ram aṭang hian hruaichhuah thuai an ni dawn tih a sawi.

Yemen ramah hian Shia Houthi helhoin sorkar an paihthla tawh a, an ram hmun tam zawk chu an thunun mek a ni. UN huaihawtin Yemen tualchhung buaina chinfelna turin political party te inbiakna buatsaih a ni a, mahse inremna an la siam thei lo.

US pawhin Yemen rama a embassy kharin, staff-te pawh a lachhuak tawh bawk a, State Department chuan zin mite chu fimkhur turin a chah bawk.