Taiwan-ah jail tang paruk an intihlum

Taiwan chhim lama Koahsiun khaw tan-inah nimin zing khan tang paruk an inkaphlum.

Tangte hian an thubuai ngaihtuah a nih danah an lungawi loh thu sawiin, chhuah zalen an phut a, jail warden leh senior staff pahnih chu Nilaini khan an hreng. Ministry correction agency hotu, Wu Hsien-chang chuan, "Tangte hi an mi hrente chhuah turin kawng hrang hrangin kan thlem a, boruak ṭha tak hnuaia buaina tihreh hi kan tum laiin anmahni an lo intihlum ta mai a ni," a ti. Nilaini zan khan mitang parukte hi inbiakna an neihpui thu sawiin, an intihhlum chhan erawh a sawilang lo.

Nilaini khan mitangte hian storage room aṭangin rifle pali leh handgun paruk an la chhuak a, staff pathumte chu an hreng zui a ni. A hnuah chhuah zalen an nih chuan jail warden leh senior staff-te chu chhuah an remtih thu an sawi. Tangte hian hrem an nih danah an lungawi lo a, an tan hun tura tih chu a rei lutuk an ti. Tang parukte hi tualthah, rukbo leh ruihhlo tawlh vanga thiam loh chantirte an ni.