Ebola beih letna atan civil mi 10,000 mamawh: UN
United Nations chuan US-in Ebola hri lenna, Africa khawthlang lama hri leng do letna kawnga pui tura sipai a dahluhte lakchhuah a tuma vangin thawktu civil mi 10,000 chuang mamawh a ni dawn tih a sawi.
US sipaite hian tualchhung mite hnenah training-te pein a ṭul angin an pui a, hei bakah hian treament centre-te pawh an siamsak bawk a ni. Mahse hri leng hian ziaawm lam a pan nia ngaih a nih vangin US chuan kumin April thla tawp hian a sipaite hi koh kir a tum a, hetihlai hian sipai a thawn, 2,800 zinga 100 vel chu dah chhunzawm a tum tho a ni.
UN Ebola hotu, David Nabarro chuan Ebola hri beihletna kawngah hian tihtur tam tak a la awm tih sawiin, hri leng a tlahniam ṭana ngaih a nih hnuah kar hmasa khan Liberia, Sierra Leone leh Guinea ramahte hri vei thar an pung chho leh tih a sawi.
Ebola hri veite enkawlna leh, a vei tharte hriatchhuahna tura hmalaknaah US, Britian, France leh ramdang aṭanga civil mi inpe-te chu mamawh chhunzawm zel an la ni, tih Nabarro chuan a sawi a, health service-te pawh din thar a la ngai a ni, a ti.