NKorea-in missile enchhin a sawi chiang

NKorea chuan missile an enchhin chungchang a sawi chiang a, he mi-ssile hi khawmual aṭanga khawmual kahna (surface to surface) a ni a, medium leh long range te an enchhin tih a sawi.

NKorea-a sorkar media, KCNA chuan an missile enchhin hi Hwasong-10 a nih thu a puang a, an kahchhuah chhin hi an ram hruaitu Kim Jong Un pawhin a hmunah a enpui niin a tarlang. "Km 1413.6-a sanga thlawkin, kah chhuahna hmun aṭanga km 400-a hlaa a kahfuh tur an dah chu a kapfuh a ni," a ti.

Kim Jong Un chuan Pacific-a American mi awmte chu an bei thei tawh dawn tih sawiin, an hmelmate tihlauthawng turin NKorea chuan mi-dang beihna tur ralthuam
ṭha tak a neih a ngai a, US leh an hmelma ramdang-tena an beihna laka lo invenna tur a neih ngei a ngai bawk niin a sawi.