Suu Kyi-i'n Thailand a tlawh

Aung San Suu Kyi chuan Thailand-a Myanmarese raltlante tlawh turin nimin khan Bangkok a thleng a, ropui taka lo hmuah a ni.

Sipai sorkar hnuaia har-satna hrang hrang avangin Myanmar mi tam tak chu Thailand-ah hian an lut a ni. Nimin chawhnu lam khan Suu Kyi hian Bangkok khawpui bula sangha mantute khua, Samut Sakhon a tlawh a, he khuaah hian Myanmar mi hnathawk nuai khat chuang awmin, hlawh tlêm tê tê hlawha chhawr an ni.

Myanmar mi hlawh-fate hian Suu Kyi-i'n a tlawh avang hian beiseina sang tak an nei a, hlawh pangngai ang an hlawh ve theih an inbeisei phah hle. Thailand sorkar hriat-pui, Myanmar mi ral-tlan ringawt pawh hi makta-duai khat chuang Thailand-ah hian an awm a ni.