Ei tur neih loh vangin Nigeria-a raltlânte an thi

Nigeria-a Islam firfiak pawl, Boko Haram-te hlauh avanga râltlân zinga mi 200 deuh thaw chu ei tur neih loh vang leh tui in tur tlakchham avangin an thi.

Khawvel hmun hrang hranga ma-mawhtute tana hlawkna ûm loa thawk ṭhintu pawl, Doctors Without Borders-in a tarlan danin, May thla chhung khan Nigeria-a Bama khawpuiah râltlân mi 200 deuh thaw chu ei leh in tur neih loh avangin an thi .

He pawl hian a tarlan dan chuan naupang 16 chu an pawlin an din, ei tur ṭha pekna hmun, Maiduguri-ah an sawn a, raltlan naupang 15,000 zinga 3,000 chuan ei tur ṭha an taksain a hmuh loh avangin harsatna an tawk mek bawk. Bama aṭangin Maiduguri hi km 70 chauha hla ni mah se, Boko Haram leh sorkar sipaite inbeihna avangin kalkawng chu hmun ralṭi tak a ni tih an sawi a, he inbeihna avang hian loneitute pawhin thla 18 chhung zet chu lo nei thei tawh loin, eng thlai mah an ching thei tawh lo niin an sawi bawk.