Indonesia president-in Tuipui inchuh hmun a tlawh

Indonesia president, Joko Widodo chuan nimin khan Indonesia leh China tena South China Sea-a hmun an inchuhna lai, Natuna thliarkarte chu indo lawng hmangin a tlawh. Widodo hi chief security minister leh foreign minister te bakah, Indonesia mi pawimawh dangten an ṭawiawm a ni.

Indonesia chief secudiry minister, Luhut Pandjaitan chuan, "Kan chinchin kal tawhah hetianga nasa hian China nen hian kan la innghirngho ngai lo. President-in hmun inchuh lai a tlawh hian Indonesia chuan he buaina hi a la zam mai mai lo tih a lantir a ni," a ti. Nilaini khan an foreign minister chuan China-in natuna thliarkarte a ram anga a chhal chu a lo chhanglet tawh bawk a, Natuna leh a chhevel hi hman aṭang tawh a, tun thlenga a Indonesia ram a ni a ti.