Colombia sorkar leh FARC ten inremna an siam

Hun rei tak lo inbei tawh, Colombia sorkar leh Revolutionary Armed Forces of Colombia (FARC) te chuan Cuba khaw-pui, Havana-ah inbiak-na neiin inkahhai chung-chang leh ralthuam dah a nih theih dan turte an ngaihtuah hnuah inremna an siam thei ta. An inrem dan kimchang hi nimin khan puanzar a ni.

Colombia president Juan Manuel Santos chuan July 20 khian inrem-na tak tak awm theih dan tur chungchang an ngaihtuah hi hming an ziah hnan dawn niin a sawi.

Kum thum kalta
aṭangin Colombia sorkar leh FARC te hi inremna a awm theih nan an inbe
ṭan a, tunah hian a hmawr an bawk dawn hnai ta a ni. Colombia sorkar thupuangtu Marcela Duran chuan, "Sorkar leh FARC aiawhte chuan inkahhai neih te, ralthuam dah a nih tur thuah te, ram himna tur leh misual rual intelkhawm pawlte beih a nih dan tur chung-changa inbiakna an neihah inremna an siam thei ta tih mipui hriatah kan puangzar thei ta a ni," a ti. FARC commander, Carlos Lozada pawhin Twitter-ah remna kawng a inhawng a, remna kawngah an kal mek thu tarlangin, sorkar nena inremna an siam thu a puang chhuak bawk.

Hengte bakah hian thingtlang lam dinhmun siamthar leh tundin dan turah te, ruihhlo tawlhruk vên a nih dan turah te, FARC lam mi, politics-a an tel theih dan tur te, indo buai laia pawikhawihnate engtia ngaih zui tur nge tihte an sawi tel nghal bawk a ni.

FARC hi hel pawl chak tak niin, kum 1964 aṭang khan ralthuam lekin bul an ṭan a, communist zirtirna ṭha titute an ni.