Myanmar rama inbeihnaah sipai 50 an thi tawh

Myanmar rama Kokang helpawl leh sorkar sipaite inbeihnaah sipai 50 vel an thi tawh.

State media, Global New Light of Myanmar chuan China ramri bul, Shan state-ah helpawl leh sipaite chu hun eng emaw chen an inbei tawh niin a sawi a, kum hnih chhunga an inbeih nasat ber ṭum nia sawi a ni.

Inbeihna biala cheng mi tam tak chu hmun him lamah an tlanchhia a, an zinga a tam zawk chu ramri kanin China ramah an tlanchhia a ni.

Kokang hi Han Chinese thlah an ni a, Myanmar hmarchhak lam China ramri bula khawsa an ni. Kokang helpawl, Myanmar National Democratic Alliance Army (MNDAA) te leh sipaite hi tun hnaiah ṭum 13 an inbei a, helho hian Shan state khawpui, Laukai-a sipai hmunpuite an bei tel bawk.

Hel leh sipaite inbeihnaah hian sipai 50 vel thiin, 70 chuangin hliam an tuar a, hel pawl lama thi leh hliam tuar zat hriat a ni lo.