IS-te an nawrtawm zel

US thlawp sipai, Syrian Democratic Forces (SDF) te chuan Syria-a Islamic State te inkulhna pawimawh tak chu an hnaih tial tial a, IS te an nawrtawm zel.

SDF te hian Syria hmarlama IS te inkulhna hmun, Manbij khua an lut ṭan mek a, Manbij khawpui chhimthlang lam an lut ṭan a, he khua aṭanga km 1-a hlaa thingtlang khua chu an la tawh a ni.

Kurdish mi, SDF-a an adviser Nasser Haj Mansour chuan an sipaite chuan Manbij khua hi hmar lam aṭanga luh an tum tur thu a sawi a, an sipaite hi chunglamah US indo thlawhtheihnaten an pui mek bawk. Manbij lalet tur hian May 31 aṭang khan US kaihhruai ṭangrual pawlte chuan beihpui an thlak tawh a, hemi chhung hian thlawhtheihna hmangin vawi 233 an bei tawh a ni. He inbeihnaah hian SDF sipai 63 an thi tawh a, IS lam hian mi 458 an hloh tawh nia sawi a ni.