Thlipui leh rialin China a nuai

China khawchhak lamah thlipui na tak tleh leh rial tla avangin mi 98 an thi a, chênna in tam tak a tichhe bawk.

Thlipui hian Jiangxi province-a Funning county-a Yancheng khawpui chu a nuai nasa zual a, darkar khat mel 78-a chaka nain thlipui hi a tleh a ni. Thlipui tlehna bialah hian mihring maktaduai 8 vel an cheng a, Beijing aṭanga chhim lam mel 500-a hlaa awm a ni. Hliam mi 800 chuang an awm bawk.

China chhim lam leh khaw chhak lamah tunhnaiah ruah nasa takin a sur a, thli a keng tel bawk a ni. Lui tam tak chu a lian a, mi maktaduai 180 vel ten harsatna an tawk mek bawk.