NKorea hruaitu thar ni thei turin Kim Jong-un fanu chher mek

South Korea spy agency, National Intelligence Service (NIS) chuan North Korea ram hotu lu ber, Kim Jong-un fanu, Ju Ae chu a pa thlak a ngaih huna North Korea ram hotu ni thei turin training pek mek a ni tih parliamentary intelligence committee meeting-ah a tarlang.

North Korea state media chuan Ju Ae-i'n an ram hun pawimawha a pa a ṭawiawmna thlalakte pawh a lo ti chhuak fo tawh a, mahse politics lama a dinhmun erawh sawilan a ni lo thung. Mahse hun pawimawha a inlan ve tak fo avangin, sorkarah chanvo pawimawh tak a chelh rinna pawh a tam hle.

Kim Jong-un hian kum 2011-a a pa, King Jong II a thih hnuah ram hruaitu dinhmun hi a chelh chho a, North Korea ram hruaitu dinhmun hi an chhungkuain an chelh chhoh zelna turin, a fanu pawh kum naupang tak la ni mah se lo buatsaih lawk a duh nia rin a ni.