Pope in cardinal thar 20 a ruat

Roman Catholic kohhran hotu lu, Pope Francis chuan cardinal thar 20 a ruat a, an zingah hian a ṭum khatna atan Myan­mar, Tonga leh Ethiopa ram a mite an tel.

Cardinal thar atana ruat mi 20 te hi ram 14 a mi an ni a, an zinga 15-te hi kum 80 hnuailam an ni a, midang panga-te erawh chu kum 80 chuang niin, pope thar thlanna neih a nih hun an tel ve thei lo ang.

Vatican-a cardinal thar ruatna inkhawm neih­ah Pope Francis chuan kohhrana thuneihna chu rualkhai zawka siam a, aiawhtu tam zawk dah tura siam a tum thu a sawi.