SAfrica President-in land reform plan a siam
South Africa President Jacob Zuma chuan an ramah ramdang mite'n ram an neih khapna dan siamna tur a duang.
President Zuma-a'n land reform plan a siamah hian ramdang mite ram neih khapna bakah, tualchhung mite farm neih theih zau zawng bithliah a ni bawk ang. A ruahmanna siam hi President hian Ningani khan Parliament-a thu a sawi ṭumin a lo sawichhuak tawh a ni.
SAfrica ramah hian mingo-te'n an awpbehna tihtawp a nih hnua pawh, ram tam zawk chu mi tlem zawk, mingo ho kutah a la awm a ni. Hei vang hian a mi cheng tam zawk, mihang-te hnenah ram tam zawk hi dah a nih theih nan sorkar chu nawr a ni fo ṭhin.
Zuma chuan, "Ram chungchang hi buaina pakhat a la ni reng a ni, kuminah hian land regulation bill hi parliament-ah thehluh hman ngei kan tum a ni," a ti.
Land reform plan ang chuan ramdang mite chu ram neitu nihna pek theih an ni tawh dawn lo a, midang ram erawh an hman hawh sak thei ang. Tualchhunga loneitute pawhin mi pakhatin farm atan ram hectare 12,000 ai zau a nei thei lo bawk ang.