Japan-in firfiakte beihna turin dollar mtd 15 pe dawn

Japan sorkar chuan Middle East leh Africa rama firfiakte beihna atan US dollar maktaduai 15 a pe dawn.

Japan chuan ṭanpuina sum a pek tur hi Nilaini-a Washingon-a counter-terrorism conference neih hunah a puang dawn a, suma pek tur hi firfiakte hluarna biala international organisation kaltlangin pek an tum. An zingah hian Syria leh Iraq ramri bula bialte pawh a huam ang. Heng ramri bula hmun tam zawk hi Islamic State (IS) firfiakte'n an thunun mek a ni.

Prime Minister Shinzo Abe chuan January 17-a Egypt a tlawh ṭum khan IS firfiakte beih letna atan Japan chuan dollar maktaduai 200 a pek thu a lo puang tawh a, heng pawisate hi firfiakte'n awmna ram hrang hrangte hnenah pek an ni, a ti.