UNSC-in Houthi helte inthiarfihlim turin a phut

United Nations Security Council chuan Yemen rama Houthi helte chu thuneihna an chelh mek lakah inthiarfihlim tura phutna resolution a siam.

Arab ramte chuan Houthi helpawlin sor­karna an chan dan chu dik lo taka thuneihna chhuhsakna a ni tiin an puh a, helpawl kaihhruai sorkar paihthlak a nih theihna atan sipai chakna hman an phut a ni.

Mahse UNSC-in Pathianni-a emergency council meeting a neiha resolution a pass-ah hian sipai chakna hman erawh a la ti tel lo a ni. Resolution-ah hian Houthi helte chu sorkar hmun pawimawh aṭanga an mi leh sate lachhuak nghal tura phutna telh a ni.

Hetihlai hian Houthi thupuangtu, Mohammed Abdulsalam chuan vauna avang maiin an thuneihna chan chu an kalsan dawn lo tih a sawi. Houthi helte hian nikum September thla aṭang khan Yemen khawpui hi an thuhnuaiah an dah tawh a, February 6 khan parliament ṭhiatin President Mohammed Ali al-Houthi chu an paihthla a ni.