Mipuite tlawh theih turin Italy President in hawng dawn

Tun thla tira Italy President thar atana lakluh, Sergio Mattarella chuan a official residence, kum zabi 16 hunlaia sak, Quirinale palace chu mipuite tlawh theih turin nitin hawn a nih tur thu a sawi.

President chenna in hi tunah chuan Pathianni chauhin mipuite tlawh theih tura hawn a ni. Mahse President thar chuan hei hi thlak danglam a tum a, nitin tlawh theih a nih bakah hmun ṭhenkhatah chuan exhibition te pawh buatsaih theih tura duan a ni ang, a ti.

Quirinale palace ah hian room 1,200 a awm a, pope 30 leh lal pali te an lo cheng tawh a ni. He lal in hi kum 1940 chho aṭang khan Italy president official residence atan hman a ni. Lal in hi Italy chanchin leh culture lantirna a ni tiin, mipuite'n an tlawh reng theihna turin ruahmanna pawh siam mek a ni tih a sawilang bawk.