Everest tlang lawnna kawng thlak dawn

Khawvela tlang sang ber, Mount Everest lawnchhuah tumte'n an kalkawng atana an hman ṭhin chu vur tawlh a nasat sawt avangin venthawn thilah thlak an tum.

Nikum khan Everest tlang lawnchhuah tum zinga mi 16-te chu vur tawlh vangin an thi a, hemi hnu hian Nepal sorkar chuan a kalkawng thlak hi a tum ta a ni.

Tlang lawnte kalkawng atana an hman mek hi kum 1990 aṭanga hman kha a ni a, mahse March thla aṭangin a kawng thar hi hman theih beisei a ni.

Nepal sorkarin kawng thar a duanah hian nikuma chhiat thlenna hmun, Khumbu Icefall veilama an kalna ṭhin chu thlak a ni tawh ang. Khumbu Icefall-ah hian tlang lawn mi 40 vel chu an lo thi tawh a ni. Kawng thar hman tur atan hian hrui leh leilawn te pawh UK aṭangin lakluh an ni tawh bawk.