Myanmar sipaite beihnaah helpawl dang 3 an tel
Myanmar sorkar chuan an ram hmarchhak lam, Shan state-a sipai leh Kokang hel inbeihnaah helpawl dang pathum an tel belh niin a sawi. Inbeihnaah hian sipai eng emaw zat an thi tawh a, mi sing tel chu himna zawngin China ramah an tlanchhe tawh bawk.
State television-a thuchhuah siamah, sorkar chuan Kokang helte hian Kokang special region khawpui, Laukkai bulah sipaite an la bei chhunzawm zel tih a sawi. An inbeihnaah hian helpawl dang, Kachin Independence Army, Shan State Army (South) leh Ta'ang National Liberation Army pawh an tel tih a sawi a, mahse hei hi Kachin helpawlte chuan thu dik lo tiin an sawi thung.
China news site pakhat chuan Myanmar sipai leh helpawlte inbeihna vang hian kar kalta chhung khan Myanmar mi 30,000 chuangin ramri kanin China-a Yunna province an pan tih a sawi. A hmaa lo lut tawhte nen inbeihna thleng vang hian mi 50,000 chuang chu hmun him lamah an tlanchhe tawh a ni.