Greece President atan Pavlopoulos

Greece Parliament member-te chuan President thar atan Interior Minister hlui, Prokopis Pavlopoulos an thlang. Kum 1974-a democracy tundin a nih leh hnua Greece ram President 7-na a ni ang.

President thlannaah hian member 300 zinga 233 in Pavlopoulos an thlawp a, Greece Constitution hnuaiah Pavlopoulos hian tling turin vote 180 chin a mamawh a ni.

Rorellai, Radical Left SYRIZA leh a thawhpui, Right-wing Independent Greeks chuan President atan Pavlopoulos hi an nominate a, an pahnih thawkdun hian chamber-ah hian seat 162 an nei a ni. Kum sawmthum liam­taa Pavlopoulos-a awmna, New Democracy pawhin an thlawp bawk. Eptu lamin President atan hian Constitutional Law Professor Nikos Alivizatos an rawt bawk.

Kum 64 mi, Pavlopoulos hi Law Professor a ni a, March 13-a President ṭanglai, Karolos Papoulias term a zawh hunah a thlak nghal ang.