IS pawl thlawptute'n Libya university an la

Islamic State (IS) firfiak pawl thlawptu helte chuan Libya ram, Sirte khuaa university an la a, University luhna gate puiah IS flag an tar nghal.

University la tu Islam firfiakte hian a hmain Sirte khawpuia administrative complex an lo la tawh bawk a, he hmuna hnathawkte chu an chhuahtir vek a ni. Hei bakah hian radio station leh sorkar building pawimawh ṭhenkhat an la tawh bawk. Social media kaltlanga video an tih­chhuahah, firfiakte hian IS flag tarin, motor-a khawpui chhung an fangkual lai tihlan a ni.

Sirte hi Libya hruaitu hlun, Muammar Gaddafi-a pianna hmun a ni a, kum 2012-a Benghazi-a US diplomatic compound bei a, ambassador thattu Islam firfiak pawl, Ansar al-Sharia chakna bial a ni.