Chile-in a thlawna zirna pe dawn

Chile Education Minister Nicolas Eyzaguirre chuan kum 2016 aṭangin sorkarin an rama zirna sang zawk, higher education-ah a thlawn veka zirna pek a lo tiam chu a taka kalpui a nih tur thu a sawi.

Eyzaguirre chuan, "President Michelle Bachelet chuan kum 2016 aṭangin a thlawna zirna pek a nih tur thu a lo sawi tawh a, a thutiam hi kan ti puitling dawn a ni," a ti a, hemi atan hian Congress-ah bill thehluh an tum tih a sawi bawk.

Chile sorkar hian kumin school year atan ramchhunga public leh private school 11,300 ah zirlaibu a thlawnin a sem bawk.

Zirna sang zawk, secondary leh university-a zirna man hautak lutuk avangin kum 2011 khan zirlaite'n nawrh an lo huaihawt tawh a, kum 2014-a President Pinera a tlak thleng khan an nawr chhunzawm reng a ni. President thar, Michelle Bachelet chuan thuneihna a chan hnuah zirlaite thil phut hi tihhlawhtlin tiamin, sorkar program-ah pawh a telh nghal a ni.