Russia President sawiseltu jail-ah khung

Russia court chuan an ram President Vladimir Putin sawi­seltu, activist Alex­ei Navalny chu kar hnih chhung tang turin a hrem a, hei vang hian March 1-a eptute'n sorkar laka lungawi lohna lantira nawrh an huaihawt tur­ah a tel thei dawn lo.

Moscow Presnensky court chuan Navalny hian March 1-a nawrh huaihawt tum chungchang puanzarna lehkha hi dan phalna loin Moscow subway-ah a sem niin a sawi. A thiltih avang hian ni 30 thleng tantir theih ni mah se, ni 15 chhung tantir a ni dawn tih judge chuan a sawi bawk.

Police-te'n an hruaichhuah hmain, Navalny hian a twitter kaltlangin amah thlawptute chu nawrh huaihawtnaa tel ngei tur hian a sawm.