South Sudan-ah naupang 89 rukbo an ni

United Nations International Children's Emergency Fund (UNICEF) chuan kar kalta Inrinni khan South Sudan-a Upper Nile state khawpui, Malakal bulah misual tu tih hriat lohte'n naupang 89 an rubo niin a sawi.

UNICEF chuan silai keng misualte hi residential area-ah kalkhawmin, in tinah kal kualin napangte chu an hruaichhuak tih a sawi a, an naupang rukbote hi kum 12 chunglamte an ni tih a tarlang.

South Sudan-a UNICEF palai, Jonathan Fitch chuan naupangte rubo a, an nun tihchhiat sak chu international humanitarian law palzutna lian tak a ni, a ti.

Hetihlai hian sorkar sipai leh deputy president hlui, Riek Machar-a thlawptute chu kum 2013, December thla aṭang khan an la inbei chhunzawm reng. Human Rights Watch chuan South Sudan-a party inkara buaina thleng hian an inbeihnaa hmatheh turin sipai atan naupangte lak chhunzawm reng an la ni, a ti.