Yemen President hlui a tlanchhia

Yemen President hlui, Abed Rabbo Mansour Hadi chu an ram khawpui, Sanaa aṭangin Aden-ah a tlanchhia a, in enkawl turin ram dangah kal a tum nia sawi a ni.

Houthi helpawlte'n President a nihna aṭanga an paihthlak hnuah Hadi hi pawn chhuak thei loin a inah an hreng zui a, mahse United Nations-in a nawrna avangin Inrinni khan a in aṭang hian an chhuahtir a, Aden khuaah a tlanchhe nghal.

Kar kalta Inrinni vek khan Hadi-a thlawptu Yemen mi tam tak chuan Ibb province-ah kawng an zawh a, Houthi-te chu an tualchhung inrelbawlna aṭanga inthiarfihlim tur leh, an bial aṭanga chhuak turin an phut a, an ram hruai hna chu President Hadi kuta hlan leh turin an phut bawk. Kawngzawhte hi Houthi helte chuan silaiin an kap a, an zinga pakhat kaphlumin pahnih­in hliam an tuar bawk niin security official-te chuan an sawi.