UK-ah Mahatma Gandhi lim hawng dawn

UK Prime Minister David Cameron chuan March 14 hian Parliament Square-a Mahatma Gandhi lim an dah chu a hawng dawn.

Gandhi liam siamna buaipuitu, Gandhi Statue Memorial Trust chuan lim siamna atan hian donation aṭangin pound maktaduai 1 a dawng a, hei bakah hian steel lama sumdawng lian Lakshmi N Mittal chuan pound 100,000, Infosys Board-in pound 250,000 an pe bawk.

Dâr a siam, Gandhi lim hi British sculptor Philip Jackson-a siam a ni a, Parliament Square-a South Africa ram hruaitu Nelson Mandela leh indopui laia Britain Prime Minister Winston Churchill-te lim bulah dah a ni ang.

Cameron chuan, "Parliament Square-a Gandhi lim dah tur hi India leh UK ram history-a a pawimawhzia lantirna a nih bakah, ram pahnihte inlaichinna tihnghehna tur pawimawh tak a ni," a ti. Ram pahnihte inlaichinna chu a nghet telh telh a ni tiin, Britain-a India mi chengte chuan a thlunzawm tlat a ni, a ti.