Australia-in citizenship law tikhauh dawn

Australia sorkar chuan an rama firfiaka chetna do letna kawng khat atan citizenship law khauh zawka siam a tum.

Prime Minister Tony Abbott chuan dual national, firfiaka chetnaa inhnamhnawihte citizenship hnawlsak an ni ang, a ti. Hei bakah han Australia rama piang ngeite pawh anti-terror law an bawh­chhia a nih chuan hamṭhatna an chan angte paihsak thei an ni tih a sawi bawk.

Official-te chuan an ram security tihchak a ngaih thu an lo sawi tawh a, a bikin Islam firfiakte laka aṭanga inven a ngai tih an sawi. Official-te chuan Australia mite zing­ah Iraq leh Syria rama Islamic State (IS) tana bei mi eng emaw zat an awm a, an zinga ṭhenkhat chu Australia-ah an kir leh tawh niin an sawi.

Abbott chuan an ram chhung leh rampawnah firfiaka chetna a hluar zel a, hei vang hian a beihlet pawh a harsa telh telh tih a sawi. "TV leh newspaper ahte hun thim tak, Syria leh Iraq rama thleng mek­te kan hmu a ni. Sakhaw hminga mi lu tansak te, a ruala mi tihhlum, khenbeh leh nawhchizuar tura chhawr luih chungchangte kan hmu fo a ni," a ti.