Thailand lal sawiseltu mi pahnih tantir an ni

Thailand chuan nimin khan mi pa­hnih chu university play-ah an ram lal sawiselna an telh avangin kum hnih leh a chanve jail tang turin a hrem.

Thailand ram hian an lal chung­changah hian dan khauh tak neiin, lal leh lal chhungkua sawiselte chu pawikhawihna anga ngaiin, criminal case siamsak theih an ni a, hremna na tak pek theih an ni.

Kum 23 mi Patiwat Saraiyaem leh kum 26 mi, Porntip Mankong-te chu 112 law bawhchhiaah puhin thiam loh chantir an ni a, kum nga ve ve tang tura hrem an nih hnuah an tan hun hi a chanvea tihniam sak an ni leh niin judge chuan a sawi.

Kum 2013 khan Bangkok-a Thammasat University-in zirlaiten democracy phuta nawrh an huaihawt kum 40-na puala hun an hmanah, Patiwat leh Porntip hian indeusawhna lam drama, 'The Wolf Bride' an siam chu an lantir a ni. He drama-ah hian lal leh a advisor lem angin an chang a ni. He drama vang hian kum 2014 August thla khan man an ni.