Court-ah Maldive President hlui hruai a ni

Maldive President hlui, Mohamed Nasheed chu President a nih laia senior judge a mantir chung­changah Pathianni khan antir-terror law hnuaiah man a ni a, Thawhṭanni khan court-ah hruai a ni.

Nasheed chuan police-te hian court-ah an hruai laiin reporter-te a be tur an dang a, court-ah an hnuk lut niin a sawi. Court hian bail-a chhuah a dilna a hnawlsak bawk.

PM hlui party, Maldivian Democratic Party chuan bail-a dilna hnawlsak a nih nghal dan hi an chhui dawn tih sawiin, chhuah nghal turin an phut.

Court chuan Nasheed hi ukil ruat turin ni thum hun a pe.

Maldive Foreign Minister Dunya Maumoon-i chuan President hlui thubuai siamsak hi 'pawisawilo rukbo' chungchang a ni tih sawiin, firfiaka chetna nena inhnamhnawihna nei a ni, a ti. Nasheed chu police kuta dah a nih chhan chu a hma pawhin court-a a inlan tur pumpelh a chin ṭhin vang tih a sawi bawk.