Texas-a vur thli tleh vangin flight 1,000 chuang cancel

Thawhṭannia vur thli tleh vangin Texas, US-ah mi sang tel chu power nei loin an awm a, traffic accident eng emaw zat a thlen bakah flight 1,300 vel cancel a ni bawk.

National Weather Service chuan Texas hmarlam- Dallas, Oklahoma chhimlam leh Arkansas khawthlang lamahte vur thli na tak a tleh dawn vang hian warning a lo tichhuak tawh bawk. Kawngpuite vurin a khuh nasat avangin pawn chhuak lo turin mipuite an ngen bawk.

Tennessee-ah chuan khaw vawt lutuk avangin tun hnaiah mi 22 an thi tawh tiin state Emergency Management Agency chun a sawi a, Kentucky-ah mi 11 an thi tawh bawk.

US metropolitan area lian ber zing a mi, Dallas leh Forth Worth-ah chuan vur thli tleh vang hian Thawhṭanni khan school khar vek a ni.