United Nations Security Council -in Iran hrek tura US rawtna a hnawl
United States (US) in United Nations Security Council (UNSC) hnena UN-in Iran a hrekna ṭhinte hman chhunzawm leh a rawtna chu hnawlsak a ni. August thla atana UNSC president dinhmun chelhtu, Indonesia ambassador Dian Triansyah Djani chuan Iran hrekna siam thar leh phut chungchangah member 15-te chu an inlungrual lo tih sawiin, Iran laka acton la thei an ni rih lo tih a sawi. Council member zinga 13 chuan US hi Iran nena nuclear deal an siam aṭanga a inhnuhdawh tawh avangin a rawtna hi thil awmze nei lo nia sawiin, an thlawp loh thu an sawi a ni.
US ambassador Kelly Craft chuan an rawtna hnawl a nih chungchang chu na takin a sawisel zui a, a duh lotu ramte chu firfiakte thlawpah a puh. Kar liam ta khan US Secretary of State Mike Pompeo chuan UN hnenah hrekna lo hman tawh ṭhin chu hman chhunzawm leh an duh thu hi an thlen tih a lo sawi tawh a, Iran chu UNSC-in a pawmpui, major power ram parukte nena 2015-a nuclear deal an lo siam tawh palzutah a puh. Kum 2018 khan he inremna aṭangin US chu inhnukdawm mah se, UN-in Iraq hrekna a lo siam tawhte hmang chhunzawm leh turin US chuan dikna a nei, a ti.