South Korea doctor-ten nawrh huaihawt

Korean Medical Association (KMA) huaihawtin nimin khan South Korea-a resident doctor leh intern-te chuan ni thum awh tur nawrh an huaihawt. 

Doctor-te hian sorkarin kum 10 chhunga medical student 4,000 lak belh a tum chu duh loin, hemi atana sum hman tur chu doctor-te hlawh tihsanna atana hmang zawk turin an phut a ni. Nawrh huaihawt vang hian ram chhunga dawr liante chuan an inhawn hun titawiin, surgery neih tur pawh an tihtlai phah a, doctor tam takin an clinic an khar bawk. 

Health minister Park Neung-hoo chuan ramchhunga Covid-19 hri a len mek avangin mipuite himna ngai pawimawh a, doctor-te chu an dawrte hawnga hna thawk tura tih an nih thu a sawi. Sorkar chuan thuchhuah tichhuakin heng doctor, an hnaa kal duh lo chu an licence tihtawpsak theih an nih dawn bakah, US dollar 25,000 ai tlem lo chawitir theih an nih dawn thu leh kum thum thleng lungin tantir theih an nih tur thu a sawi. 

Thawhlehni khan  KMA leh Korean Intern Resident Association (KIRA) aiawhte chu an thil phut chungchangah sorkar nen an inbia a,  mahse an inrem theih loh avangin nimin aṭang khan nawrh hi an huaihawt ta a ni.